Аб’яўлены шорт-ліст літаратурнай прэміі «Гліняны Вялес-2015». Сярод намінантаў лепшыя паэтычныя і празаічныя беларускамоўныя кнігі, выдадзеныя ў нашай краіне за 2015 год:
- Алег Аблажэй “Красамоўнае сэрца” (выдавецства — “Мастацкая літаратура”);
- Сяргей Абламейка “Мой Картаген” (выдавецтва — Радыё Свабодная Эўропа/Радыё Свабода);
- Валянціна Аксак “Дзікая сьліва” (выдавецтва — “Кнігазбор”);
- Леанід Галубовіч “Поўня” (выдавецтва — “Кнігазбор”);
- Алесь Пашкевіч “Рух” (выдавецтва — “Кнігазбор”);
- Франц Сіўко “Плебейскія гульні” (выдавецтва — “Логвінаў”);
- Аляксей Шэін “Сем камянёў” (выдавецтва — “Пазітыў-цэнтр”)
Пераможца прэміі будзе аб’яўлены у сакавіку. Нагадаем, у мінулым годзе прэмію атрымаў Андрэй Фэдарэнка за сваю кнігу «Ціша».
«Гліняны вялес» — штогадовая літаратурная прэмія, заснаваная Таварыствам Вольных Літаратараў у 1993 годзе. Яна прысуджаецца за лепшую мастацкую беларускамоўную кнігу года. Цікава, што атрымаць прэмію можна толькі адзін раз у жыцці.
