Узнагарода «Кніга году» (2014-2018)

кніга годуПрэмія «Кніга году» заснавана беларускі ПЭН-цэнтрам у 2014 годзе. Яе галоўны сэнс у тым, каб лепшыя кнігі абіралі не крытыкі ці чытачы, а самі пісьменнікі. Кнігі-ўдзельнікі павінны быць напісаны беларусамі, ці на тэрыторыі Беларусі на урскай ці беларускай мове.

Цікава, што ў першы год (2014) у прэміі было тры намінацыі. Але пасля было вырашана адмовіцца ад іх і вызанчаць адну лепшую кнігу.

Пасля 2019 года, калі была вызначана лепшая кніга за 2018 год галасаванне больш не праводзілася, а лаўрэаты не вызначаліся.

Год Імя Назва твора Выдавецтва
2018 Марыя Мартысевіч «Сарматыя» Янушкевіч
2017 Альгерд Бахарэвіч «Сабакі Эўропы» Логвінаў
2016 Наста Кудасава «Маё невымаўля» Кнігазбор
2015 Андрэй Хадановіч «Нататкі таткі» Медыял
2014 Проза: Альгерд Бахарэвіч «Дзеці аліндаркі», Галіяфы

Паэзія: Антон Рудак «Верхні горад», Кнігазбор

Дзіцячая літаратура: Вольга Гапеева «Сумны суп», Галіяфы

Дзіцячая літаратура: Людміла Рублеўская «Авантуры студыёзуса вырвіча», Звязда

 

Кнігі году — 2014

Першую прэмію арганізатары вырашылі правесці па намінацыях: Проза, Паэзія, Дзіцячая літаратура. У будучым ад такога падзелу адмовяцца і пераможца будзе адным.

Лепшая кніга прозы 2014 года

Альгерд Бахарэвіч «Дзеці аліндаркі»

Дзеці АліндаркіАнатацыя да кнігі: героі рамана — беларускамоўныя дзеці, пацыенты загадкавай установы пад назваю Лагер. Як сучасныя Гэнзэль і Грэтэль, яны трапляюць у цёмны лес, дзе іх чакаюць зусім не дзіцячыя прыгоды. Казка, сатыра, антыўтопія — кнігу можна аднесці да кожнага з гэтых жанраў, але яна ўсё роўна застанецца кнігай пра нас, тых, хто жыве тут і цяпер.

 

Лепшая кніга паэзіі 2014 года

Антон Рудак «Верхні горад»

Верхні горадАнатацыя да кнігі: «Верхні горад» — гэта знаёмыя мясціны з нечаканага ракурсу, прыватныя ўспаміны і агульная спадчына, мінулае і сучаснасць.

 

Лепшая дзіцячая кніга 2014 года

Вольга Гапеева «Сумны суп»

Сумны супАнатацыя да кнігі: “Сумны суп” – гэта гісторыі для дарослых дзяцей і маленькіх дарослых. Тут магчыма ўсё: слоўнікі дапамагаюць парасонам, гузікі шукаюць сэнс жыцця, а вожыкі спрабуюць знайсці адказ на пытанне, якое іх даўно хвалюе – навошта лічыць авечак. За звычайнымі, здавалася б, размовамі і ўчынкамі герояў хаваюцца філасофскія думкі і разважанні, якія зможа адкрыць для сябе кожны, хто прачытае кнігу.

 

Людміла Рублеўская «Авантуры студыёзуса вырвіча»

Людміла Рублеўская “Авантуры студыёзуса Вырвіча”Анатацыя да кнігі: кніга расказвае пра прыгоды ў XVIII стагоддзі шляхціца Пранціша Вырвіча і доктара Баўтрамея Лёдніка. Пранціш стаў студэнтам Віленскай акадэміі, а доктар Лёднік, былы слуга Пранціша, — суровым прафесарам гэтай акадэміі. Абодвум ліцвінам давядзецца выпраўляцца ў небяспечную вандроўку ажно ў Ангельшчыну, праз усю Еўропу, ажыўляць ляльку-аўтамат па імені Пандора, забіваць сапраўднага цмока, уцякаць ад чумы, зарабляць грошы ў лонданскім байцоўскім клубе і выблытвацца з магнацкіх інтрыгаў вакол трона Рэчы Паспалітай…

 

Кніга году — 2015

Андрэй Хадановіч «Нататкі таткі»

Андрэй Хадановіч «Нататкі Таткі»Анатацыя да кнігі: Для паэта і перакладчыка Андрэя Хадановіча гэта першая спроба пісаць для дзяцей. Але гэта не азначае, што паэт Хадановіч назаўжды сышоў у свет дзяцінства: дарослыя вершы па-ранейшаму пішуцца, запэўнівае ён. Малаўзроставая ж аўдыторыя ў пэўным сэнсе выявілася нават больш складанай…

 

Кніга году — 2016

Наста Кудасава «Маё невымаўля»

Наста Кудасава «Маё невымаўля»Анатацыя да кнігі: Кнігу “Маё невымаўля” склалі вершы паэткі, напісаныя ў 2011-2015 гадах.

 

Кніга году — 2017

Альгерд Бахарэвіч «Сабакі Эўропы»

Альгерд Бахарэвіч Сабакі ЭўропыАнатацыя да кнігі: Гэты раман — шэсьць вялікіх гісторый, сплеценых у адзін мудрагелісты вузел, разблытаць які ня дасьць рады ніхто. Прынамсі, на гэта спадзяецца аўтар. На амаль дзевяцістах старонках кнігі ўступаюць ў складаныя альхімічныя рэакцыі гарады, сюжэты, людзі, алюзіі, словы. Што злучае вёску Белыя Росы-13, якая знаходзіцца на тэрыторыі Расейскага Райху, і constructed language, таемную мову бальбута? Чаму беларуская шаптуха выпраўляецца на далёкую выспу, дзе будуецца ідэальная краіна Крыўя? Што за пасланьне закапалі ў лесе вучні звычайнай сярэдняй школы, і чый труп знаходзяць у 2049 годзе ў танным бэрлінскім гатэлі?

 

Кніга году — 2018

Марыя Мартысевіч «Сарматыя»

сарматыя мартысевічАнатацыя да кнігі: У эпісталярнай паэме Марыі Мартысевіч апісваецца гісторыя кахання, якая мела месца невядома калі і невядома дзе. Але яно і няважна, бо «Сарматыя» — гэта таксама гісторыя пра тое, што звычайна здараецца з людзьмі, якія наважыліся быць не такімі, як усе, у любыя часы і ў любой краіне. Сарматы — напаўміфічныя качэўнікі, апісаныя яшчэ Герадотам. Іх плямёны засялялі Паўночнае Прычарнамор’е ў ІІІ–IV ст. н. э. Праз тузін стагоддзяў ад іх пачала весці свой род шляхта Вялікага Княства Літоўскага і Рэчы Паспалітай, адмяжоўваючыся такім чынам ад сялянскага саслоўя. Аўтарка паэмы спрабуе пачуць водгулле гэтага «старога добрага шляхецкага сарматызму» ў Беларусі ХХІ стагоддзя.

HVALI.BY